Sufferenza

di Vittorio Aprea

Io sbagliarrìa si te chiammasse "stella"!

Falso sarrìa si te chiammasse "bella"!

Si te dicesse ca si' nu sciore 'e Maggio

te faciarrìa, sicuro, un grosso oltraggio.

Pecchè pe' me tu si' "cielo stellato"!

E mmiez' ee rrose si' 'a cchiù prelibata!

Ma qual'ammore?...Si' 'o sciato, si' 'a pazzia,

ca po' passà sultanto si si' 'a mia!

E aspetto, aspetto, ca me faje nu segno

e, mentr'aspetto, stu core nunn' arregna,

nun trova cchiù arricietto, nun reposa,

se struje e penza sempe 'e stesse cose!

So' cose zucose e 'nzuccarate,

so' vase ardente maje cunzignate,

so' prumesse, songhe gelusie,

ca tene strette 'mpietto 'o core mio!

All'improvviso, nu lampo 'e stu surriso...

Me basta!...Sto saglienno 'n Paraviso!!!