|
Zampogne
So’ turnate
da Cassino
N’ata vota ‘e
zampognare
‘Mpont’ ‘e
cinche, ogne matina
Primm’ ‘e
l’alba, c’a campana
Accummencen’
‘a novena
‘Nnante ‘o
quadro d’o bambino,
Sott’ ‘a
l’arco d’o purtone.
Che ricordo
cummuvente
Dint’o core
me se scete
Cu ‘stu suone
pasturace
Quant’antiche
sentimente!
E’ passato
già n’at’anno
Se n’è ghiuto
dint’a niente
Comm’ ‘a
fronda che seccata
Se ne vola
‘mbraccia ‘o viento.
‘O lupenaro
‘Na
carrettella cu’ ‘nu lume a ciste (1)
Doie tre
tenelle, a rrobbe dint’acite
‘Nfelate
attuarne ‘na felere ‘e cuòppe
Lupine,
chiapparielle e aulive.
Chesta è ‘a
puteca e chesta è ‘a mercanzia.
Accunte (2)
suoie: l’ultimi sciacquante
Che trove
stupetiate (3) p’ ‘e cantine.
Lupine e
aulive ……
‘Sta voce
malinconica e su lagna
Se sente
ancora verze mezzanotte
P’ ‘o Buvero
(4) e p’ ‘o Carmene
Pe dint’ ‘e
Funtanelle (5)
Cu ‘o
chiovere e cu’ e stelle
Comme a tant’ anne fa’ ……
(1)
Petrolio o meglio acetilene
(2)
Cliente
(3)
Mezzo ubriachi
(4)
Borgo Loreto; oppure Borgo S.
Antonio Abate
(5)
Località di Napoli, oltre i due
borghi suddetti e il Carmine.
Chi sa
Passanne pe’
‘sta strada solitaria,
Addo’ cu’
mmico te purtave ‘a sera
Me pare de
sentì pe’ dint ‘a l’aria
L’addùre ‘e
‘na luntana primavera.
Che belli
tiempe! ‘A primavera nosta,
Vint’anne, t’arricuorde,
‘o primm’ammore,
E chistu
pizzo ch’era fatto apposta,
Pe fa spuntà
‘e speranze dint’ ‘o core?
Niente è
cagnato. Vicino a chìsti mure,
Tutte
cupierte d’ellera, ‘à panchina
Quase
annascusa, sott’a ‘sta frescura
Duie core fa
sunnà sera e matina.
Chi sa addò
staie, comme sì trasformata;
Chi sa se ti
mantiene sempe bella,
Si si’
rimasta sola o si’ spusata,
Quante ne tenarraie de criaturelle?!
Chi sa si
qualche vòte a primma sera,
Si tutte cose
tiene e si’ contenta,
‘O tempo d’
‘a chiu’ bella primavera
Cu ‘nu
ricorde ‘e me te vene a mente.
Mamma! ……
Ritratto ‘e
mamma mia
Che tengo ‘e
faccia a ‘o lietto
Me tiene
cumpagnia,
me calme ‘e
ppene ‘mpietto.
Pe’ mme’ si
‘nu cunfuorto
Si ssempe ‘na
speranza
Dinto
l’ambiente smorto
‘E chesta
fredda stanza
‘A forza tu
me daie
Si n’incuraggiamente
Che nun me
lasse maie
Me si sempe
presente
E me rischiare ‘a via
Ritratto ‘e
mamma mia!
Vintiquatt'ore
‘Na
campanella sòna ‘avemmaria
E n’ata da
luntane l’accumpagne;
Scenne già
l’ombra, già se sfolla ‘a via
Torn’ ‘o
faticatore d’ ‘a campagna.
S’appicce
qualche lume p’ ‘e feneste
‘E crape
vann’ ‘o ‘chiuso appresso a ‘o cane
‘a mamma
ch’ha appruntata ‘na menesta,
esce da ‘o
furno co’ ‘a palata ‘e pane.
Dint’ ‘o
silenzio da ‘o puntone ‘o vico
‘A funtanella
fa sentì ‘o taluorne, (1)
‘O pover’ommo
tacque d’ ‘a fatica,
aspetta ‘o
piatto co’ ‘e creature attuarne.
Vintiquatt’ore!
‘A nonna scapuzzeìe (2)
Co’ ‘o ninno
‘e latte ‘mbracce e cant’ ‘a nanna,
E mentre ‘a
chiesiella scampaneie
‘A pace
scenne dint’a ‘sta capanna.
Nota: Popolarmente all’ Avemaria in inverno circa
alle diciotto e in estate
all’imbrunire, le 15 erano dette ‘vintunore’.
Le 22 erano dette quattro
ore di notte.
(1)
Taluorno: Scroscio ininterrotto
dell’acqua
(2)
Vince a stento l’imperioso
sonno.
Malincunia
Malincunia d’a sera
Quando
calant’o sole se fa scuro,
chiu’ forte
tu me piglie e faie paura
Malincunia!
…
Chi sa si ‘a
primavera
Quando tu
tuorne rosa, e vuie viole,
me truvarrate
ancora, triste e solo
scennenn ‘a
sera?!
Nun m’à
lassato maie:
cumm’a nu
male me se misa ‘ncore
amariggianno
tutt’a vita mia,
Malincunia!
…..
Novembre
‘O
viente che già sciosce quase forte
pe mieze ‘e
rame ‘e l’albere spugliate,
porte pe
l’aria ‘o rieste ‘e fronne morte,
l’ultimi
poche che le so restate.
Quanta
tristezza p’a campagne attuorne1
Chesti fulate
conghe nu turmiente
Che nun se
calme maie, notte e giuorne,
cumm’a nu chiante, cumm’a nu lamiente.
Mese ‘e
nuvembre, che malincunia,
penziere ‘e
malarie, anema scura,
nu sentimente
strane ‘e nostalgia
ch’a
sufferenza fa parè chiu’ dura.
Iurnate senza
sole e appecundrose
che fridde
fastediuse e penetrante,
e tristamente
siente ch’ogne cose
te parla
sulamente ‘e campusante!…
Nuttata triste
Nuttata longa
che nun passe maie
E che pe mè
si forse assaie chiù scura,
quanta
tristezza e pena tu me daie,
nuttata
fredda, ‘e viente e de paura.
M’avote e m’arrevote
dint’o liette,
e mentre c’a
tempesta strille fore,
senza truvà
ne suonane e ne arriciette,
na pena amara
chiù m’astregne ‘o core.
E chesta voce
chi sarra, va trova?
E che sarra
chistu presentimente
Che cumm’a n’aucielle
‘e malanova
Cantarme
dint’a l’anema me sente?!..
………………….
Forse
sarrà ‘o destine
che
stanche e nun pe niente
‘a scevute
p’a fine
chesta
nuttata e viente! …
Sera
Cielo sereno, mare
turchino,
s’alz’a luna falce d’argiente,
e stelle pontene ‘a
cient’a ciente
e scenn’a notte pe fa
sunnà.
Se sonna sempe stanne
luntano,
si tutt’o munne giranno
vaie
‘a nostalgia se sceta
‘ncore
d’a casa toia lassata ccà.
Nun ce sta terra chiù
bella e chesta
Terra d’e cante, terra d’ammore
Forse suspire cu me
stasera
Chi forse a Napule vò
riturnà.
‘O mare
'e Napule
Mare lucente
– mare d’argiente
Che tanta suonne – sai fa
sunnà,
p’o mare nuoste – ‘a
ciente ‘a ciente
‘a tutt’o munne – venene
ccà.
‘nterre Pusilleche – a
Marechiare
sti furastiere – vanne ‘a
vede’
tirà li rezze – ascì ‘e
lampare,
e ‘nce ritornane – chi sa
pecchè.
Quanta canzone – pe
Margellina,
Santa Lucia – siente ‘e
cantà
‘ncia dette Dio – chesta
Marina,
chisto tesore – Napule Na’! …..
|
